Ymgynghoriad parth parcio H - Glanfa'r Iwerydd

Rydym yn cynnig parth parcio newydd a hoffem glywed gennych chi.

Gall parthau parcio helpu i wneud y canlynol:

• blaenoriaethu lleoedd parcio i breswylwyr a'u hymwelwyr,
• cefnogi busnesau drwy sicrhau bod trosiant o gerbydau,
• ei gwneud hi'n haws i siopwyr ac ymwelwyr ddod o hyd i le parcio, ac
• atal parcio gan gymudwyr a pharcio problemus.

Byddwn yn cyflwyno cyfyngiadau parcio fel:

• parcio deiliad trwydded yn unig i gyd
• parcio â bathodyn glas,
• mannau talu ac aros,
• mannau neu gyfyngiadau llwytho, a
• llinellau melyn.

Gallwch ddysgu mwy am barthau rheoli parcio yn y ddinas.

Ein rhesymau dros gynnig y newidiadau

Mae gwaith wedi dechrau ar yr arena newydd yng Nglanfa'r Iwerydd a fydd yn trawsnewid yr ardal, yn creu swyddi, ac yn tyfu'r economi yn y rhanbarth. Gallai hyn hefyd arwain at gynnydd yn nifer yr ymwelwyr sydd eisiau parcio yn yr ardal yn ystod digwyddiadau.

Rydym am sicrhau na fydd preswylwyr dan anfantais oherwydd y newidiadau hyn. Rydym hefyd am annog ymwelwyr sy'n mynychu digwyddiadau i ddefnyddio opsiynau teithio eraill neu barcio mewn meysydd parcio cyfagos yn lle hynny.

Strydoedd wedi'u cynnwys yn y maes parcio

Bydd y parth yn cynnwys:

• Sgwâr Albert
• Barquentine Place
• Rhodfa Celerity
• Rhodfa Craiglee
• Felbridge Close
• Halliard Court
• Henke Court
• Heol Letton
• Llansannor Drive
• Mervinian Close
• Rhodfa'r Sgwner
• Ffordd y Sgwner
• Silurian Place
• Windlass Court

Oriau gweithredu

Bydd parcio i ddeiliaid yn unig, llinellau melyn dwbl a mannau parcio bathodyn glas ar waith drwy'r dydd, bob dydd.

Bydd y cfyfyngiadau parcio eraill yn y parth ar waith bob dydd rhwng 11am a 11pm. Ac eithrio Dydd Nadolig a Sul y Pasg.

Mathau o drwyddedau

Byddwn yn cyhoeddi trwyddedau ar gyfer y canlynol sy'n gymwys:

• trigolion,
• busnesau (cerbydau gweithredol yn unig), a
• mannau neu addoli cyhoeddus neu neuaddau cymunedol.

Caiff pob eiddo hyd at 2 drwydded. Bydd preswylwyr yn gallu cael trwyddedau ar gyfer eu hymwelwyr.

Bydd gofalwyr a chontractwyr hefyd yn gallu gwneud cais am drwydded dros dro wrth weithio yn y parth.

Ni fyddwn yn cyflwyno trwyddedau ar gyfer:

• cymudo neu fannau parcio i staff,
• llety myfyrwyr yn unig,
• eiddo ar ffyrdd preifat,
• datblygiadau gyda meysydd parcio oddi ar y stryd (hyd yn oed os nad oes digon o le i barcio ar gyfer yr holl eiddo yn y datblygiad), a
• cherbydau trwm (dros 3.5 tunnell).

Parcio gyda thrwydded

Bydd deiliaid trwydded yn gallu parcio cyhyd ag y bydd angen mewn:

• mannau i ddeiliaid trwydded yn unig, neu
• fannau talu ac aros a rennir.

Bydd deiliaid trwyddedau yn gallu parcio mewn unrhyw le parcio â thrwydded o fewn y parth. Does dim rhaid i'r lle fod ar eich stryd.

Parcio heb drwydded

Bydd gyrwyr heb drwyddedau yn gallu parcio am hyd at 3 awr gyda thocyn mewn mannau talu ac aros. Dim ond ar Ffordd y Sgwner y bydd y llefydd hyn.

Bydd cymudwyr a phobl sy'n mynychu digwyddiad yn cael eu hannog i ddefnyddio opsiynau teithio eraill.

Trwyddedau a chostau talu ac aros

Os ydych chi am wneud cais am drwydded busnes, bydd y gost yn dibynnu ar allyriadau eich car.

Dweud eich dweud

Daeth yr ymgynghoriad i ben ar 15 Mehefin 2025.

Rydyn ni wrthi'n adolygu adborth cyn i ni benderfynu p'un a fyddwn yn parhau â'r cynllun ai peidio.

Gwiriwch eto am unrhyw ddiweddariadau ar ein penderfyniad.