Rydym eisiau gwybod beth ydych chi'n ei feddwl am ein cynlluniau ar gyfer newidiadau i'r briffordd ar Rhodfa Llanrhymni, ger Canolfan Hamdden y Dwyrain.
Yr hyn rydym yn ei gynnig
Byddai ein cynigion yn cyflwyno:
- Croesfan sebra ddyrchafedig ger cyffordd Rhodfa Llanrhymni a Lynton Place.
- Croesfan sebra ddyrchafedig ger cyffordd Rhodfa Llanrhymni a Kewstoke Place.
- Gwelliannau troedffordd yn yr ardal, gan gynnwys cyrbau isel a phalmant botymog.
Gallwch weld pob cynnig ar fap (PDF, 762 KB).
Mae'r cynigion hefyd yn cynnwys rhwystrau ymwthiol wrth gyffordd i gyd-fynd â'r cyrbau o amgylch cyffyrdd Rhodfa Llanrhymni a:
- British Legion Drive,
- Lynton Terrace,
- Lynton Place,
- Heol Ball,
- Canolfan Hamdden y Dwyrain
- Weston Road,
- Kewstoke Place,
- Watchet Close,
- Worle Avenue, a
- Taunton Crescent.
Pam rydym yn cynnig gwelliannau
Rydym yn cynnig y gwelliannau hyn i helpu i greu amgylchedd mwy diogel i bawb ac i gefnogi teithio llesol. Er enghraifft, drwy:
- annog cyflymder is gan gerbydau ar hyd Rhodfa Llanrhymni, a
- gwella cyfleusterau croesfan i gerddwyr, yn enwedig i bobl sy'n ymweld â'r ganolfan hamdden, siopau ac ysgolion lleol. Ar hyn o bryd nid oes unrhyw gyfleusterau croesi ar hyd y rhan hon o'r ffordd.
Ariannu
Rydym yn chwilio am gyllid ar gyfer y prosiect hwn o Gronfa Teithio Llesol Llywodraeth Cymru.Yn amodol ar gyllid, rydym yn bwriadu cyflawni'r cynllun yn ystod blwyddyn ariannol 2026 i 2027.
Dweud eich dweud
Mae'r ymgynghoriad hwn wedi cau. Derbyniwyd 8 ymateb:
- Dywedodd 1 ymatebydd ei fod o blaid y cynigion.
- Gwrthwynebodd 3 ymatebydd y cynnig.
- Gwnaeth 4 ymatebydd sylwadau ac awgrymiadau, ond ni wnaethant ddatgan a oeddent yn cefnogi neu'n gwrthwynebu'r cynigion.
Yn dilyn yr adborth, rydym wedi penderfynu bwrw ymlaen â'r cynllun. Gallwch weld materion penodol a godwyd yn y adroddiad ymgynghori llawn.
Gweld yr adroddiad ymgynghori (PDF, 165 KB)
Gweler yr hysbysiadau safle ar gyfer yr ymgynghoriad hwn (PDF, 714 KB)
Mwy o wybodaeth am fesurau traffig
Darganfyddwch beth mae pob term yn ei olygu:
Croesfan sebra ddyrchafedig
Croesfannau sebra yw'r rhain sydd yn cynnwys bwrdd arafu, neu pan fyddant wedi eu gosod wrth gyffordd ddyrchafedig (naill ai ar ei phen ei hun neu fel rhan o gyfres ehangach o fesurau arafu traffig).
Rhwystr ymwthiol
Mae hwn yn rhan o droedffordd sydd wedi'i ledu. Gallwn ddefnyddio rhwystrau ymwthiol i ail-lunio cyffyrdd, diffinio mannau parcio a lleihau pellteroedd i gerddwyr wrth groesi. Gallant wella gwelededd i bawb.
Palmant botymog
Mae hwn yn fath o balmant sy'n helpu i rybuddio defnyddwyr ag amhariad ar eu golwg nad oes bwlch rhwng y droedffordd a'r ffordd.
Cwrbyn isel
Dyma lle mae'r lefel rhwng y droedffordd a'r ffordd yn cael ei leihau gymaint â phosibl, i helpu:
- defnyddiwr cadair olwyn,
- pobl â chadeiriau gwthio, a
- defnyddwyr eraill sydd ag amhariad symudedd.
Mae cyrbau isel yn cael eu defnyddio ar gyfer y ffurf symlaf o groesfan i gerddwyr. Maen nhw hefyd yn cynnwys palmant botymog.
