Gallwch weld ceisiadau cynllunio a sylwadau sydd wedi'u gwneud. Gellir gweld sylwadau sydd wedi'u gwneud ar-lein o dan y tab sylwadau. Gellir gweld sylwadau sydd wedi'u sganio a'u e-bostio o dan y tab dogfennau.
Gall unrhyw un wneud sylwadau ar gais cynllunio. Nid yw'n bwysig sut y clywsoch am gais cynllunio, ac nid oes angen i chi fod wedi derbyn llythyr gennym i wneud sylwadau.
Os na allwn ddelio â chais o dan bwerau dirprwyedig, bydd y Pwyllgor Cynllunio yn trafod y cais. Gweld y canllawiau am eich hawliau i siarad yn y pwyllgor
Sut i wneud sylw
Ni chodir ffi i wneud sylw ar gais cynllunio.
Bydd eich sylwadau yn agored i'r cyhoedd.
Mae 3 cham y mae'n rhaid i chi eu cymryd i wneud sylwadau ar gais.
Gwnewch nodyn o'r cyfeirnod
Os nad ydych yn gwybod y cyfeirnod, gallwch ddod o hyd iddo trwy edrych ar y ceisiadau cynllunio presennol ar-lein.
Gallwch ddefnyddio'r blwch chwilio syml i ddod o hyd i'r cais. Gallwch nodi'r canlynol:
- cod post llawn neu rannol,
- llinell sengl cyfeiriad, megis enw stryd,
- allweddair, neu'r
- cyfeirnod.
Y cyfeirnod yw 10 digid. Enghraifft o gyfeirnod yw 12/12345/ABC.
Bydd yn cael ei ddangos yn glir ar yr holl hysbysiadau cyhoeddus a gwaith papur ar gyfer y cais.
Pan fyddwch chi'n chwilio am gais ar-lein, bydd yn dangos yr holl ddogfennau, amlinelliadau, lluniau a chynlluniau cysylltiedig i chi.
Trwy'r post
Os yw eich eiddo yn union nesaf at y datblygiad arfaethedig, efallai y byddwch yn derbyn llythyr am y cais cynllunio. Mae hyn yn ôl ein disgresiwn ac mae'n dibynnu ar y cynllun. Bydd cyfeirnod y cais ar y llythyr.
Os nad ydych wedi derbyn llythyr, neu os ydych wedi'i golli, gallwch ddod o hyd i'r cais cynllunio ar-lein o hyd. Gallwch hefyd anfon e-bost i [email protected].
Nodwch y dyddiad cau ar gyfer sylwadau
Bydd pa mor hir fydd gennych i wneud sylw yn dibynnu ar bethau fel:
- y math o gais cynllunio,
- maint yr adeilad neu'r gwaith dymchwel, a
- pan fydd y Pwyllgor Cynllunio yn cwrdd i wneud penderfyniad ynghylch y cais.
Fel arfer, mae'n rhaid gwneud sylwadau o fewn 21 diwrnod i'r cais gael ei gyflwyno.
Gallwch gael gwybod pryd mae'r dyddiad cau ar gyfer cais ar-lein ar y Porthol Cynllunio (idox). Gellir dod o hyd i'r dyddiad cau yn y tab manylion cyntaf.
Os ydych wedi derbyn llythyr am y cais, bydd y dyddiad cau ar y llythyr.
Bydd y dyddiad cau hefyd ar unrhyw ddogfennau a allai fod wedi'u harddangos yn yr ardal.
Y Pwyllgor Cynllunio
Mae'r pwyllgor yn cynnwys Cynghorwyr ac maen nhw'n gwneud penderfyniadau am rai ceisiadau yng Nghaerdydd. Gallwch gael gwybod a fydd y pwyllgor yn edrych ar gais cynllunio ar-lein, o dan y tab manylion. Bydd yn cael ei restru fel Lefel y Penderfyniad Disgwyliedig.
Gallwch wneud sylw ar-lein am gais ar unrhyw adeg cyn i'r cyfarfod ddechrau.
Os nad ydych yn sicr
Os nad ydych yn siŵr am ddyddiad cau, cysylltwch â ni cyn gynted â phosibl gyda chyfeirnod y cais cynllunio.
Gwneud sylw
Gallwch wneud sylwadau ar-lein neu drwy'r post.
I wneud eich sylwadau ar-lein, bydd angen i chi greu cyfrif ar ein system gynllunio ar-lein.
Os gwnewch sylw ar-lein, gallwch olrhain cais a bydd unrhyw ddiweddariadau'n cael eu hanfon i'ch cyfeiriad e-bost.
I wneud sylw drwy'r post, ysgrifennwch at:
Ystafell 250, Neuadd y Sir,
Glanfa'r Iwerydd
Caerdydd
CF10 4UW
Gwnewch yn siŵr eich bod yn cynnwys y cyfeirnod.
Os gwnaethoch gyflwyno cais cynllunio ac fe'i gwrthodwyd, gallwch ddarllenwch ein canllawiau ar gyfer apelio.
Cysylltu â ni
Mae croeso i chi gysylltu â mi os oes unrhyw gwestiynau gennych.
