Gallwch gyflwyno cwyn os ydych yn anhapus â safon y gwasanaeth yr ydych wedi'i derbyn gan y Cyngor, neu os ydych yn anhapus â rhywbeth y mae'r Cyngor neu aelod o staff wedi'i wneud neu wedi methu â'i wneud.
Disgwyliwn i gwsmeriaid gyflwyno eu cwyn o fewn 6 mis (o dan y Polisi Corfforaethol) neu 12 mis (o dan y Polisi Gwasanaethau Cymdeithasol) i ddod yn ymwybodol o'r broblem.
Ni fyddwn yn ymchwilio i gwynion a dderbynnir y tu allan i'r amserlen hon, oni bai bod amgylchiadau eithriadol.
Ydych chi wedi dweud wrthym am y mater?
Os nad ydych wedi dweud wrthym am y mater eto, rhowch gyfle i ni unioni pethau.
Peidiwch â defnyddio'r ffurflen gwyno os ydych:
- Angen dweud wrthym am ddiffyg neu ofyn i ni wneud rhywbeth. Er enghraifft, adrodd am broblem ar y ffordd neu'r palmant neu broblem gyda gwastraff ac ailgylchu.
- Angen gofyn i ni am wybodaeth, neu esboniad o bolisïau neu benderfyniadau'r Cyngor.
- Eisiau rhoi sylwadau ar benderfyniadau polisi'r Cyngor.
- Eisiau lobïo neu geisio newid deddfwriaethol.
Gwneud cwyn
Cwyno
Gallwch hefyd:
- ein ffonio ar 029 2087 2088, neu
- drwy ddod i'n gweld yn un o'n Hybiau,
- cysylltu â'ch Cynghorydd lleol.
Lawrlwythwch ffurflen gwyno (PDF, 261 KB) neu gallwch gasglu un mewn Hyb. Ar ôl i chi gwblhau'r ffurflen, anfonwch hi at:
Cwynion a Chanmoliaeth Neuadd y Sir
Glanfa'r Iwerydd
Caerdydd
CF10 4UW
Beth fydd yn digwydd nesaf
Byddwn yn anfon eich cwyn at yr adran/adrannau perthnasol am ymateb. Byddant yn:
- cydnabod eich cwyn o fewn 5 diwrnod gwaith o'r dyddiad y daw i law,
- ceisio datrys eich cwyn o fewn 20 diwrnod gwaith, a
- rhoi gwybod i chi o fewn yr 20 diwrnod gwaith os ydynt yn credu y gallai gymryd mwy o amser i ymchwilio i'ch cwyn.
Byddant yn dweud wrthych pa mor hir y maent yn disgwyl iddo ei gymryd a byddant yn rhoi diweddariadau rheolaidd.
Gallwch ddod o hyd i fwy o wybodaeth yn ein Polisi Sylwadau, Cwynion a Chanmoliaeth Corfforaethol (PDF, 370 KB).
