Gwasanaethau gofal plant

Rydym yn cynnig ac yn trefnu nifer o wasanaethau gofal i helpu a chefnogi teuluoedd â phlant.

Rydym yn awyddus i sicrhau bod plant a phobl ifanc Caerdydd yn:

iach
teimlo'n dda am eu bywydau
ddiogel ac wedi eu gwarchod
gallu dysgu pethau newydd
gallu tyfu'n hapus
cael gofal da.

Rydym yn gweithio mewn partneriaeth ag ystod o sefydliadau i gynnig gwasanaethau i'r sawl mewn angen.

Strategaeth Gwasanaethau Plant Caerdydd (PDF, 1 MB)

Strategaeth Rhianta Corfforaethol

Rydym wedi cyhoeddi Strategaeth Rhianta Corfforaethol 2021-2024 (PDF, 2 MB) sy'n amlinellu ein hymrwymiadau, ein heriau a'n camau allweddol i gefnogi plant sy'n derbyn gofal a'r bobl sy'n gadael gofal ledled y ddinas.

Gan weithio gyda phartneriaid a'r gymuned ehangach, mae gan bob un ohonom gyfrifoldeb i gefnogi plant sy'n derbyn gofal a'r bobl sy'n gadael gofal er mwyn iddynt fod yn hapus, bod yn ddiogel a ffynnu.

Fel rhan o ymgynghoriad â phlant sy'n derbyn gofal, mae pum blaenoriaeth allweddol wedi'u nodi yn y strategaeth yn seiliedig ar eu barn a'u profiadau personol.

Mae'r rhain yn cynnwys:

Gwella lles emosiynol ac iechyd corfforol
Gwell cysylltiadau, gwell perthnasoedd
Cartref cyfforddus, diogel a sefydlog tra'u bod mewn gofal ac ar ôl hynny
Cyflawniad addysgol, cyflogaeth a hyfforddiant
Dathlu ein plant a'n pobl ifanc

Gwybodaeth, Cyngor a Chymorth

Gyda'n gilydd, mae arnom ddyletswydd i gynnig gwasanaeth gwybodaeth, cyngor a chymorth i breswylwyr Caerdydd er mwyn gwella lles pobl sydd angen gofal a chymorth. Mae hyn yn cynnwys:

Gwrando ar farn a theimladau plant a phobl ifanc
Trin plant a phobl ifanc â pharch
Bod yn ymwybodol o wahanol anghenion diwylliannol, cred ac ieithyddol

Mae gennym Strategaeth Cymorth Cynnar sy'n rhoi'r grym i blant a'u teuluoedd drin eu lles eu hunain drwy gynnig gwasanaethau sy'n ateb eu hanghenion newidiol er mwyn iddyn nhw fedru mynd i'r afael â'u hanawsterau eu hunain.

Ein Hamcanion

Rydyn ni am helpu:

plant a phobl ifanc i aros â'u teuluoedd
plant a theuluoedd i liniaru effaith anabledd
i ostwng nifer y plant a phobl ifanc sy'n troseddu
i ostwng nifer y plant a phobl ifanc sy'n mynd i ofal, os yw'n ddiogel gwneud hynny
i wella'r canlyniadau ar gyfer plant a phobl ifanc sydd Mewn Gofal a chynnig cefnogaeth barhaus i Bobl sy'n Gadael Gofal pan ddônt i oed

Gwrando Arnoch Chi

Mae'n bwysig ein bod ni'n gwrando ar y plant, y bobl ifanc, a'r teuluoedd rydyn ni'n eu cefnogi. Mae sawl ffordd y gall ein pobl ifanc ddweud eu dweud.

Eiriolaeth

Person nad yw'n cael ei gyflogi gan Wasanaethau Plant Cyngor Caerdydd ac a fydd yn eich helpu i leisio'ch barn yw Eiriolwr Annibynnol. Gall eiriolwyr eich helpu i ddeall eich hawliau ac i wneud penderfyniadau gwybodus am eich bywyd, a'ch cefnogi i siarad am bethau sy'n bwysig i chi.

Mwy o wybodaeth am Eiriolaeth.