Diben ymholiad ynghylch statws priffyrdd yw canfod yn union faint o'r briffordd a gaiff ei chynnal a'i chadw'n gyhoeddus sy'n cyffinio ag eiddo a ph'un a yw'r briffordd yn ffinio'n uniongyrchol ag ystlys adeilad yr eiddo.
Mae gan lawer o safleoedd manwerthu a masnachol yng Nghaerdydd leiniau o droedffordd sy'n dir preifat sy'n ffinio ag ystlys yr adeilad, ac felly perchennog yr eiddo sy'n gyfrifol am eu cynnal a'u cadw yn hytrach na'r Cyngor.
Ceir dwy ffordd o gyflawni ymholiad:
- Cynnal eich chwiliad eich hun i statws priffordd Defnyddio ein map ar-lein i gynnal eich chwiliad eich hun am ddim.
- Chwiliad statws priffordd gan yr Awdurdod Gofyn i'r awdurdod priffyrdd gasglu'r wybodaeth ar eich rhan chi am dâl.
Chwiliadau pridiant tir llawn
Fel arfer cyfreithiwr sy'n gweithredu ar ran darpar-brynwr fydd yn cynnal chwiliadau o'r Gofrestr Pridiannau Tir, er bod gan unrhyw un yr hawl i gynnal chwiliadau o'r fath.
Diben chwiliad yw datgelu i'r sawl sydd â buddiant unrhyw hawliadau ariannol neu benderfyniadau neu gyfyngiadau eraill y Cyngor sy'n effeithio ar yr eiddo neu glwt o dir, cynlluniau ffyrdd a chynlluniau traffig gerllaw.
Mae'r Cyngor a Chymdeithas y Cyfreithwyr yn argymell y dylid chwblhau Chwiliad Pridiant Tir Lleol llawn ar gyfer pob trafodyn tir, ac nid ddylai prynwr ddibynnu ar Chwiliad Personol yn unig.
Cais am chwiliad pridiant tir lleol llawn.
